Advertisement
ٹیکنالوجی

نیشنل انفارمیشن ٹیکنالوجی بورڈ نے نیٹ فلکس کی جعلی ایپ سے خبردار کردیا

اسلام آباد: نیشنل انفارمیشن ٹیکنالوجی بورڈ نے اینڈررائیڈ صارفین کو نیٹ فلکس کی جعلی ایپ سے خبردار کردیا۔انہوں نے کہا ہے کہ تمام اینڈرائیڈ صارفین فکس آن لائن نامی نیٹ فلکس کی جعلی ایپ کے ذریعے نقصان دہ سافٹ وئیر کے خطرے سے خبردار رہیں ۔

GNN Web Desk
شائع شدہ 6 سال قبل پر اپریل 15 2021، 12:48 شام
ویب ڈیسک کے ذریعے

سماجی رابطے کی ویب سائٹ ٹوئٹر پر ایک پیغام میں نیشنل انفارمیشن ٹیکنالوجی بورڈ نے کہا کہ  فکس آن لائن نامی نیٹ فلکس کی جعلی ایپ ڈاؤن لوڈ نہ کی جائے ، یہ آپ کی ڈیوائس کو ایک نقصان دہ فائل میں منتقل کردیتی ہے۔ٹوئٹ میں مزید کہا گیا ہے کہ کبھی بھی کوئی بے اعتماد ایپ یا اے پی کے استعمال نہ کریں، چوکنا رہیں اور محفوظ رہیں۔

ٹوئٹ میں شیئرکی جانے والی  تصویر میں نقصان دہ کمپیوٹر سافٹ وئیر سے متعلق بتاتے  ہوئے کہا گیا ہے کہ نقصان دہ سافٹ وئیر گوگل پلے اسٹور میں موجود سافٹ وئیر ہے جو خودکار (automatically) طریقہ کار کے تحت صارف کے واٹس ایپ پر آنے والے میسجز کا جواب دیتا ہے۔  صارفین فکس آن لائن ایپ کو ڈاؤن لوڈ نہ کریں اور اگر کرچکے ہیں تو ڈیلیٹ کردیں۔

Advertisement
رجحانات
Advertisement