وزڈن نے محمد رضوان کو سال کے بہترین کرکٹرز میں شامل کرلیا

تفصیلات کے مطابق پاکستانی وکٹ کیپر محمد رضوان کو شاندار پرفارمنس پر ایک اور انعام مل گیا۔برطانوی ادارے وزڈن نے پاکستانی وکٹ کیپر کو سال کے بہترین 5 کرکٹرز میں شامل کرلیا ہے،  محمد رضوان کو یہ اعزاز انگلینڈ میں شاندار کارکردگی دکھانے پر ملا ہے۔

قومی وکٹ کیپر نے 2020 میں انگلینڈ کے خلاف سیریز میں 161 رنز بنائے تھے اور 5 کیچ پکڑے تھے، اس سے پہلے یونس خان اور مصباح الحق آخری پاکستانی کرکٹر تھے جن کو یہ اعزاز 2017 میں ملا تھا،محمد رضوان سال 2021 کے ٹی ٹوئنٹی ٹاپ سکورر بھی بن گئے۔جنوبی افریقہ کے خلاف تیسرے میچ میں رضوان نے 73 رنز کی اننگز کھیلی تھی جبکہ  اس سال انہوں نے 6 ٹی ٹوئنٹی انٹرنیشنل میچوں میں 114 کی اوسط سے 344 رنز بنائے ہیں۔