پیمرا کی کالعدم ٹی ایل پی کی میڈیا کوریج پر پابندی

تفصیلات کے مطابق پیمرا نے تمام ٹی وی چینلز اور ایف ایم ریڈیو اسٹیشنز کو اس حوالے سے ہدایت جاری کردی ہیں۔

پیمرا  کی جانب سے جاری اعلامیے کے مطابق  پیمرانےکالعدم تحریک لبیک پاکستان (ٹی ایل پی ) کی ہرقسم کی میڈیاکوریج پرپابندی لگادی ہے، پیمراکےریگولیشن،ضابطہ اخلاق کےتحت  کالعدم تنظیموں کی میڈیاکوریج پرپابندی ہے۔

پیمرا کے مطابق  پیمراکےریگولیشن اورضابطہ اخلاق کےتحت  کالعدم تنظیموں کی میڈیاکوریج پرپابندی ہے، ‏وزارت داخلہ نےتحریک لبیک پاکستان کوکالعدم قرار دیا ہے۔

خیال رہےکہ وزارت داخلہ نے تحریک لبیک پاکستان ( ٹی ایل پی) کو کالعدم قرار  دیا ہے اور اس کا نوٹیفکیشن  بھی جاری کردیا ہے۔

نوٹیفکیشن میں کہا گیا ہے کہ  تحریک لبیک پاکستان ملک میں دہشت گردی اور دوسرے گھناؤنے جرائم میں ملوث ہے۔ تحریک لبیک پاکستان  ملک میں لوگوں کواکسا کر انتشار پیدا کرنے میں ملوث ہے اس کے ساتھ ساتھ قانون نافذ کرنے والے اداروں کے اہلکاروں کی اموات اور زخمی کرنے میں بھی  ملوث ہے۔