اپنے حقوق اورحقیقی آزادی کیلئے جدوجہد کرنی ہے،عمران خان

 متعلق چیئرمین تحریک انصاف (پی ٹی آئی) عمران خان کاقوم کے لئے اہم ویڈیو پیغام سامنے آ گیا۔

اپنے بیان میں انہوں نے کہا کہ پولیس پکڑنے کے لیے آ گئی ہے،ان کا خیال ہے عمران خان جیل میں چلا جائے گا تو قوم سو جائے گی،آپ نے ان کو غلط ثابت کرنا ہے ، ثابت کرنا ہے کہ آپ زندہ قوم ہیں۔

اپنی قوم کو میرا پیغام ہے کہ پوری ہمت و استقامت سے کھڑی ہو اور حقیقی آزادی و قانون کی حکمرانی کیلئے میدانِ عمل میں ڈٹ جائے! pic.twitter.com/ln4hLFu8Sp

— Imran Khan (@ImranKhanPTI) March 14, 2023

انہوں نے کہا کہ آپ نے جدوجہد کرنی اور باہر نکلنا ہے،جیل میں جاتا ہوں یا یہ مار دیتے ہیں توآپ نے میرے بغیر جدوجہد کرنی ہے، آپ نے ثابت کرنا ہے عمران خان کے بغیر بھی یہ قوم جدوجہد کرے گی،۔

ان کا کہنا تھا کہ آپ نے اپنے حقوق اورحقیقی آزادی کیلئے جدوجہد کرنی ہے اور نکلنا ہے،عمران خان کو اللہ نے سب کچھ دے چکا ہے،میں آپ کی جنگ لڑ رہا ہوں، اپنی ساری زندگی جنگ لڑی اور لڑتا رہوں گا۔