ملک میں فی تولہ سونے کی قیمت میں اضافہ

بین الاقوامی بلین مارکیٹ میں فی اونس سونے کی قیمت 2 ڈالر کے اضافے سے 1926 ڈالر کی سطح پر آنے کے باعث مقامی صرافہ مارکیٹوں میں جمعرات کو بھی فی تولہ اور فی دس گرام سونے کی قیمتوں میں بالترتیب 1100 روپے اور 943 روپے کا اضافہ ہوگیا۔

 ملک بھر میں فی تولہ سونے کی قیمت بڑھ کر دو لاکھ 3 ہزار 500 اور فی دس گرام سونے کی قیمت بڑھ کر ایک لاکھ 74 ہزار 468 روپے کی سطح پر آگئی

اس کے برعکس فی تولہ چاندی کی قیمت بغیر کسی تبدیلی کے 2150 روپے اور دس گرام چاندی کی قیمت بھی بغیر کسی تبدیلی کے 1843.27 روپے کی سطح پر مستحکم رہی