فرانس: حکومت کی پنشن اصلاحات کیخلاف احتجاج شدت اختیار کرگیا

فرانسیسی حکومت کی پنشن اصلاحات کے خلاف وسطی پیرس میں ایک بار پھر مظاہرین کی پولیس کے ساتھ جھڑپیں ہوئیں۔

ہزاروں مظاہرین نے آگ جلائی اور کچھ نے پولیس پر پٹاخے پھینکے، جنہوں نے انہیں منتشر کرنے کے لیے آنسو گیس کا استعمال کیا۔

پولیس نے پارلیمنٹ کی عمارت سے زیادہ دور پلیس ڈی لا کنکورڈ میں بدامنی کے دوران درجنوں گرفتاریاں کیں۔جمعہ کو فرانس کے دیگر شہروں میں بھی مظاہرے ہوئے جن میں خاص طور پر بورڈو، ٹولن اور اسٹراسبرگ شامل ہیں۔

جب سے صدر ایمانوئل میکرون نے بغیر ووٹ کے ریٹائرمنٹ کی عمر 62 سے بڑھا کر 64 کرنے کے لیے متنازعہ اصلاحات کو آگے بڑھانے کا فیصلہ کیا،اس کے جواب میں ان کی حکومت کے خلاف تحریک عدم اعتماد دائر کی گئی ہے۔

پارلیمنٹ میں نیشنل ریلی ایم پیز کی رہنما میرین لی پین نے پنشن میں تبدیلی کے فیصلے کو "حکومت کی مکمل ناکامی" قرار دیا۔

مظاہرین کا کہنا ہے کہ بغیر ووٹ کے قانون سازی کو آگے بڑھانا "جمہوریت کا انکار ہے۔

دوسری جانب حکومت کا مؤقف یہ ہے کہ پنشن میں تبدیلیاں اس بات کو یقینی بنانے کے لیے ضروری ہیں کہ نظام پر زیادہ بوجھ نہ پڑے اور اسے گرنے سے روکا جا سکے۔