کورونا وائرس، این سی او سی کی 16 بڑےشہروں کیلئے جاری ایس او پیز میں توسیع

تفصیلات کے مطابق  کورونا وائرس کے کیسز میں اضافہ ،  نیشنل کمانڈ اینڈ آپریشن (این سی او سی) نے  16بڑے شہروں کیلئے جاری ایس او پیز میں توسیع کردی، نوٹیفکیشن بھی جاری کردیا گیا۔این سی او سی کے مطابق  ماسک پہنا لازم، خلاف ورزی پر 100 روپے جرمانہ عائد ہوگا، ماسک نہ پہننے والے کو جرمانہ کے ساتھ موقع پر 3 ماسک دیئے جائیں گے، ان ڈور شادی کی تقریبات پر پابندی عائد رہے گی، سرکاری غیر سرکاری دفاترکا 50 فیصد عملہ گھر سے کام کرے گا، کورونا ہاٹ سپاٹ ایریا میں سمارٹ لاک ڈاون کا نفاذ ہوگا۔

دوسری جانب حکومت پنجاب نےکورونا وائرس کے حوالے سے  بدلتے حالات کے پیش نظر ایس او پیز جاری کردی،سیکرٹری پرائمری اینڈ سیکنڈری ہیلتھ کیئر کیپٹن(ر)محمد عثمان نے نوٹیفیکیشن جاری کر دیا۔

کیپٹن(ر)محمد عثمان کا کہنا ہے کہ   تمام سرکاری اور نجی ادارے 50فیصد ملازمین گھر سے (ورک فرام ہوم) کریں گے۔فوڈ پوائنٹس ریسٹورانٹ کو رات 10بجے بند کرنے کی پابندی ختم کر دی گئی۔ تمام کھانے پینے کے پوائنٹس رات 10بجے کے بعد بھی کھلے رکھے جا سکتے ہیں۔ ریسٹورانٹ،ہوٹل اور تمام قسم کے فوڈ پوائنٹس کھانے پینے کے انتظامات صرف کھلی جگہوں پر کر سکتے ہیں۔ کھانے کے لیے بیٹھنے کا انتظام باہر کھلے ایریا میں ایس او پیز کے مطابق سماجی فاصلے کو قائم رکھتے ہوئے کیا جا سکتا ہے۔