ڈالر بحران پر قابوپانے کیلئے اہم اقدام، کابینہ میں بارٹر تجارت کی منظوری 

اسلام آباد:ڈالر بحران پر قابو کرنے کیلئے حکومت نے اہم قدم اٹھا لیا، وفاقی کابینہ نے علاقائی تجارت کے فروغ کیلئے بارٹر تجارت کی منظوری دے دی۔

وفاقی وزیر تجارت نوید قمر نے کہا کہ بارٹر ٹریڈ سے ملک کی مجموعی ایکسپورٹ کو بوسٹ ملے گا، ایران، افغانستان کے ساتھ وسطی ایشیائی ممالک اور افریقا کے ساتھ بھی بارٹر ٹریڈ بڑھائی جائے گی۔

جبکہ چین کے ساتھ تجارت کے توازن کو بہتر کرنے کیلئے بارٹر ٹریڈ میں شامل کیا جا سکتا ہے۔

انہوں نے کہا کہ بارٹر ٹریڈ کے ذریعے اربوں ڈالر کی تجارت ممکن ہوسکتی ہے، یورپی یونین، امریکا، برطانیہ اور مڈل ایسٹ بارٹر ٹریڈ میں شامل نہیں ہوں گے۔

نوید قمر کا مزید کہنا تھا کہ یہ ان جگہوں کیلئے رکھا ہے جہاں پر بینکنگ سسٹم میں مشکلات ہیں، جہاں نارمل ٹرید سرپلس میں ہے وہاں پر یہ بارٹر ٹریڈ نہیں کریں گے۔