امپائر علیم ڈار کی بین الاقوامی کرکٹ کے لیے شاندار خدمات قابل ستائش ہیں ، وزیراعظم

اسلام آباد: وزیراعظم محمد شہباز شریف نے کہاہے کہ آئی سی سی ایلیٹ پینل آف امپائرز سے دستبردارہونے والے امپائر علیم ڈار کی بین الاقوامی کرکٹ کے لیے شاندار خدمات قابل ستائش ہیں۔

اپنے ٹویٹ میں وزیراعظم محمد شہباز شریف نے کہا کہ امپائر علیم ڈار آئی سی سی ایلیٹ پینل آف امپائرز سے دستبردار ہو گئے ہیں، بین الاقوامی کرکٹ کے لیے ان کی شاندار خدمات قابل ستائش ہیں۔

کھیل کے تمام فارمیٹس میں ان کی بے عیب امپائرنگ نے کرکٹ کی دنیا میں تعریفیں سمیٹیں پاکستان کو ان پر فخر ہے۔