انتظامیہ نے پی ٹی آئی کے جلسے سے قبل راستے کنٹینر لگا کر بند کردیئے

لاہور: پاکستان تحریک انصاف (پی ٹی آئی) کے جلسے سے قبل مینار پاکستان جانیوالے راستوں کو کنٹینر لگا کر بند کردیا گیا۔

پی ٹی آئی کی قیادت کا کہنا ہے کہ پولیس نے ہمارے متعددد رہنماں اور کارکنوں کو حراست میں لے رکھا ہے، لاہور میں پولیس اور انتظامیہ نے جی ٹی روڈ، کپ اسٹور، دو موریہ پل سمیت دیگر علاقوں میں بھی کنٹینرز لگا دئیے ہیں۔

پولیس اور انتظامیہ کے تمام ہتھکنڈوں کے باوجود آج جلسہ ضرور ہوگا۔

شیخو پورہ اور فیصل آباد سمیت دیگر علاقوں سے آنے والے پی ٹی آئی کے قافلوں کو روکنے کے لیے راستے بند کردئیے گئے،پولیس کی جانب سے پی ٹی آئی کارکنوں اور رہنماوں کے گھروں پر مسلسل 5 روز سے چھاپوں کا سلسلہ جاری ہے۔