بھارت میں ٹی 20ورلڈ کپ میچیز کن گراؤنڈز میں ہوں گے؟تفصیلات جاری

بی سی سی آئی حکام کے مطابق ٹی ٹوئنٹی ورلڈکپ کے میچز  ممبئی، حیدرآباد، کلکتہ، نئی دہلی، بنگلور اور چنئی کے اسٹیڈیمز میں ہوں گے جبکہ ٹورنامنٹ کا فائنل احمد آباد کے نریندر مودی اسٹیڈیم میں کھیلا جائے گا۔

دوسری جانب بھارت نے پاکستانی کھلاڑیوں اور صحافیوں کو ویزے جاری کرنے کی یقین دہانی بھی کروا دی ہے۔ البتہ پاکستانی ‏شائقین کیلئے ویزوں سے متعلق ابھی کوئی فیصلہ نہیں کیا گیا تھا۔

خیال رہے کہ پاکستان کی جانب سے آئی سی سی سے مطالبہ کیا گیا تھا کہ اگر بھارتی کرکٹ بورڈ، پاکستانی ٹیم، میڈیا اور شائقین کے لیے ویزے کی آسانیاں پیدا نہیں کرتا اور تحریری یقین دہانی نہیں کرواتا تو ٹورنامنٹ متحدہ عرب امارت منتقل کر دیا جائے۔