لاہور ٹریفک وارڈن نے بچے کے اغوا کی کوشش ناکام بنا دی

لاہور: لاہور کے علاقے بھاٹی چوک میں ٹریفک وارڈن نے بچے کے اغوا کی کوشش ناکام بنا دی۔

چیف ٹریفک آفیسر (سی ٹی او) لاہور کے مطابق پٹرولنگ آفیسر آصف صدیق نے دیکھا کہ مشکوک موٹر سائیکل سوار رفیق نے بچے کو شیخوپورہ سے اغوا کیا اور زبردستی لے جا رہے تھے جس پر اہلکار نے تعاقب کر کے اسے روک لیا۔

یہ پوچھنے پر کہ بچہ کیوں رو رہا ہے، موٹر سائیکل سوار نے فرار ہونے کی کوشش کی۔ لیکن افسر آصف نے اسے پکڑ لیا۔

سی ٹی او نے بتایا کہ بچے کی شناخت ریحان کے نام سے ہوئی، جسے تھانہ بھاٹی گیٹ کے حوالے کر دیا گیا، جبکہ ملزم کو بھی پولیس نے حراست میں لے لیا۔