آئین کے ساتھ آنکھ مچولی کا انجام برا ہو گا،شیخ رشید

سربراہ عوامی مسلم لیگ اور سابق وزیر داخلہ شیخ رشید نے کہا ہے کہ قومی اسمبلی کو ڈبیٹنگ کلب بنا دیا گیا ہے جہاں عوام کی خواہشوں اور ان کے ووٹ کے حق کا خون ہو رہا ہے۔

اپنے ٹویٹ میں شیخ رشید کا کہنا تھا کہ آج سپریم کورٹ کے حکم کے باوجود الیکشن کمیشن کو 21 ارب نہیں ملے، سپریم کورٹ کے فیصلے کی نفی کی گئی ہے، آئین اور قانون کو نہ تھاما گیا تو یہ نہ ہو سب ہاتھ ملتے رہ جائیں۔انہوں نے کہا کہ سارے ہتھکنڈے چوروں کے ٹولے کو عوام پر مسلط رکھنے کیلئے کیے جا رہے ہیں۔

جو آئین کےساتھ آنکھ مچولی کھیلےگا اسکا انجام براہوگا۔قومی اسمبلی کوڈبیٹنگ کلب بنادیا گیاہےجہاں عوام کی خواہشوں اورانکےووٹ کےحق کاخون ہورہاہے۔عوام ووٹ کےذریعےاپنےمسائل کاحل چاہتےہیں۔اگرآئین اورقانون کو نہ تھاما گیا تو یہ نہ ہوسب ہاتھ ملتےرہ جائیں۔آج انشاءاللہ اپنےوطن واپس آجاؤں گا

— Sheikh Rashid Ahmed (@ShkhRasheed) April 11, 2023

شیخ رشید کا مزید کہنا تھا کہ عوام کی امنگوں کو کچلا جا رہا ہے، الیکشن روکنے اور سپریم کورٹ کے فیصلے سے بھاگنے کیلئے 10 روز میں کابینہ کے ریکارڈ 10 اجلاس ہوئے ہیں۔ جو آئین کے ساتھ آنکھ مچولی کھیلے گا اس کا انجام برا ہوگا، عوام ووٹ کے ذریعے اپنے مسائل کا حل چاہتے ہیں، آج ان شاءاللہ اپنے وطن واپس آجاؤں گا۔