چوہدری انوارالحق بلامقابلہ آزاد کشمیر اسمبلی کے وزیر اعلظم منتخب

آزاد کشمیر اسمبلی کے سپیکر چوہدری انوار الحق بلامقابلہ وزیر اعظم منتخب ہو گئے۔وزیر اعظم آزاد کشمیر کے انتخاب کے لیے مظفر آباد قانون ساز اسمبلی کا اجلاس ہوا جس میں انوار الحق آزاد کشمیر کے 15 ویں وزیر اعظم منتخب ہوئے ہیں۔

سیکرٹری اسمبلی کے مطابق نو منتخب وزیر اعظم آزاد کشمیر کے مقابلے میں کسی بھی امیدوار نے کاغذات جمع نہیں کروائے ۔کاغذات نامزدگی جمع کرانے کا وقت 12 بج کر 40 منٹ سے 12 بج کر 55 منٹ تک تھا تاہم مقررہ وقت تک سیکریٹری اسمبلی کے مقابلے میں کسی امیدوار نے کاغذات نامزدگی جمع نہیں کروائے گئے تاہم بلا مقابلہ انتخاب کی بعد بھی ووٹنگ کا عمل ہوگا۔

یاد رہے کہ گزشتہ دنوں آزادکشمیر ہائیکورٹ نے سابق وزیر اعظم آزادکشمیر سردار تنویر الیاس کو توہین عدالت میں سزا سنائی تھی۔عدالت نے سردار تنویر الیاس کو عدالت برخاست ہونے تک سزا سنائی اور انہیں کسی بھی عوامی عہدے کیلئے نااہل قرار دیا تھا۔