سابق آرمی چیف کابیان سیاق وسباق سےہٹ کرپیش کیاگیا،آئی ایس پی آر

راولپنڈی: پاک فوج کے شعبہ تعلقات عامہ نے کہا ہے کہ سابق آرمی چیف کا پاکستان کے لئے مستقبل کے خطرات پر بیان سیاق و سباق سے ہٹ کر پیش کیا گیا،پاک فوج نے ہتھیاروں، سازو سامان اور جنگی وسائل سے بھرپور ہیومن ریسورس ہمیشہ تیار رکھا ہے۔

جمعہ کو آئی ایس پی آر نے اپنے بیان میں کہا کہ پاک فوج کی جنگی تیاریوں کے بارے میں میڈیا میں بحث سامنے آئی، یہ مباحثے سابق آرمی چیف کے انٹرویو کے تناظر میں ہوئے،سابق آرمی چیف کا پاکستان کے مستقبل کے خطرے پر بیان سیاق و سباق سے ہٹ کر پیش کیا گیا۔

پاک فوج نے ہمیشہ اپنی آپریشنل تیاریوں اور انتہائی جنگی قابلیت پر فخر کیا اور کرتے رہیں گے، فوج مادر وطن کے دفاع کے لیے ہر وقت تیار ہے، پاک فوج نے ہتھیاروں، سازو سامان اور جنگی وسائل سے بھرپور ہیومن ریسورس ہمیشہ تیار رکھا ہے۔