حکومت نے اگلے 15 دنوں کیلئے پٹرولیم مصنوعات کی قیمتوں کا اعلان کردیا

تفصیلات کے مطابق ہائی سپیڈ ڈیزل کی قیمت میں 5 روپے فی لٹر کمی کردی گئی ، پٹرول کی قیمت برقرار رکھنے کا اعلان کیا گیا ہے ، لائٹ ڈیزل اور مٹی کے تیل کی قیمت میں 10 روپے لٹر کمی کردی گئی۔قیمتوں کا اطلاق یکم سے 15 مئی تک ہوگا۔

دوسری جانب موٹرسائیکلوں سواروں اور چھوٹی کاریں رکھنے والے افراد کو سستے پٹرول کی فراہمی میں پٹرولیم ڈیلرز کی ہچکچاہٹ رکاوٹ بن گئی۔

نیشنل بینک کی جانب سے سستا پیٹرول حاصل کرنے کے لیے صارف کو ون ٹائم پاس ورڈ فراہم کیا جائے گا۔ لیکن پیٹرولیم ڈیلرز کو یہ خوف لاحق ہے کہ بینک بروقت رقوم کی فراہمی ممکن نہیں بنا سکیں گے، جس کی وجہ سے وہ حکومتی پروگرام کا حصہ بننے سے کترا رہے ہیں۔ اس میں مزید کئی فیکٹر بھی ایسے ہیں جو تاخیر کی وجہ بن رہے ہیں۔