وزیر اعظم یہ آپکا ہی پھیلایا ہوا کچرا ہے ، خود سمیٹیں یا گھر جائیں: بلاول بھٹو

تفصیلات کے مطابق حکومت اور کالعدم تحریک لبیک کے درمیان معاملات طے پانے کے بعد حکومت آج قومی اسمبلی اجلاس میں  فرانسیسی سفیر کو ملک بدر کرنے سے متعلق  قرار داد پیش کرے گی۔

بلاول بھٹو کا کہنا ہے کہ  کالعدم تحریک لبیک سے ہونے والا معاہدہ قومی اسمبلی میں نہیں پیش کیا گیا۔ حکومت نے سڑکوں پرایکشن لیا، پھر پابندی لگادی،لوگ جاں بحق ہوئے، 500 سے زائد پولیس اہلکار زخمی ہوئے، انٹرنیٹ سروس بند ہوئی، کسی بھی مرحلے پرقومی اسمبلی کو اعتماد میں لیا گیا نہ وزیراعظم نے ایوان میں بیان دیا، اب پی ٹی آئی قومی اسمبلی کے پیچھے چھپنا چاہتی ہے، یہ پیچیدگیاں وزیراعظم کی پیدا کی ہوئیں ہیں، انہیں خود ہی حل کریں یا گھر جائیں۔

Agreement wasnt brought to NA, Govt took action on streets, then banned, people killed, over 500 policemen injured, closed internet, PM didn’t make statement in NA, didnt take NA into confidence at any stage. Now PTI wants to hide behind NA. It’s your mess PM, clean up or go home

— BilawalBhuttoZardari (@BBhuttoZardari) April 20, 2021

دوسری جانب ذرائع کے مطابق اجلاس میں شرکت نہ کرنے سے متعلق  پی پی ارکان اسمبلی کو آگاہ کردیا گیا ہے۔ جبکہ ن لیگ نے بھی معاملے پر پارلیمانی پارٹی کا ہنگامی اجلاس طلب کرلیا ہے جس میں ملکی صورتحال اور فرانسیسی سفیر کے معاملے پر غور کیا جائے گا۔