پاکستان ہاکی فیڈریشن نے رویلمنٹ آلٹیمنز کی بطور کنسلٹینٹ خدمات حاصل کر لی

پاکستان ہاکی فیڈریشن نے جونئیر ایشیا کپ کی تیاری کیلئے دنیائے ہاکی کے معروف کوچ رویلمنٹ آلٹیمنز کی بطور کنسلٹینٹ خدمات حاصل کر لی ہیں۔رویلمنٹ آلٹیمنز کی خدمات صرف جونیئر ایشیا کپ کے لیے حاصل کی گئی ہیں۔

جونیئرایشیاء ہاکی کپ 23 مئی تا یکم جون عمان کے شہر صلالہ میں کھیلا جائے گا. جونیئرایشیاء ہاکی کپ میں شامل ٹیموں کو دو پول میں تقسیم کیا گیا ہے. پول اے میں پاکستان, انڈیا,جاپان, تھائی لینڈ, چائینیز تھائی پے جبکہ پول بی میں کوریا , ملائشیا,عمان,بنگلا دیش اور ازبکستان شامل ہیں.

— Pakistan Hockey (PHF) (@PHFOfficial) May 4, 2023

تفصیلات کے مطابق انٹرنیشنل کوچ جونیئر ایشیا کپ کے لیے بحیثیت کنسلٹنٹ پاکستان جونیئر ہاکی ٹیم کے ساتھ کام کریں گے۔غیر ملکی کنسلٹنٹ جونیئر ٹیم کے مینجر اولمپیئن حنیف خان کوچنگ پینل میں شامل دیگر سٹاف کے ساتھ ملکر کام کرینگے۔جونیئر ایشیا ہاکی کپ 23 مئی تا یکم جون عمان کے شہر صلالہ میں کھیلا جائے گا، جونیئر ایشیا ہاکی کپ میں شامل ٹیموں کو دو پول میں تقسیم کیا گیا ہے.

پول اے میں پاکستان، انڈیا، جاپان, تھائی لینڈ، چائینیز تھائی پے جبکہ پول بی میں کوریا، ملائشیا، عمان، بنگلا دیش اور ازبکستان شامل ہیں. پاکستان اپنا پہلا میچ 23 مئی کو چائینیز تائیپے کے خلاف کھیلے گا۔ دوسرا میچ 24 مئی کو تھائی لینڈ، تیسرا میچ 27 مئی کو روایتی حریف بھارت جبکہ 29 مئی کو جاپان کیساتھ کھیلے گا.