عمران خان اسلام آباد ہائی کورٹ کے احاطے سے گرفتار

اسلام آباد: چیئرمین تحریک انصاف عمران خان کے اسلام آباد ہائی کورٹ کے احاطے سے گرفتار کر لیا گیا۔ عمران خان کو رینجرز نے گرفتار کیا ہے۔رینجرز کی گاڑی عمران خان کو گرفتار کرکے لے گئی۔

عمران خان کو نیب آفس راولپنڈی منتقل کر دیا گیا۔پولیس نے نیب آفس آنے والے واستے ٹریفک کےلئے بند کر دیئے گئے۔عمران خان پر نیب آرڈیننس 1999کے سیکشن 9اے میں کرپشن اور بدعنوانی کے الزام ہیں۔عمران خان کو نیب آرڈینس کی شق34 اے،18 ای اور 24 اے کے تحت گرفتار کیا گیا۔ گرفتاری کے موقع پر عمران خان کو وارنٹ بھی دکھایا گیا جو 1 مئی کو جاری کیا گیا تھا۔

عمران خان کی زندگی کو شدید خطرہ ہے ان کو اغوا کرنے والوں کے ہاتھ خون سے رنگے ہوئے ہیں۔ پاکستانی قوم ہماری نسلیں ہم پر لعنت بھیجیں گی اگر آج ہم نے ان کا گھناؤنا منصوبہ کامیاب ہونے دیا

— Murad Saeed (@MuradSaeedPTI) May 9, 2023

Former PM Imran Khan has been abducted from Court premises, scores of lawyers and general people have been tortured, Imran Khan has been whisked away by unknown people to an unknown location, CJ Islamabad HIgh Court has ordered Secy interior and IG police to appear within 15 min…

— Ch Fawad Hussain (@fawadchaudhry) May 9, 2023

pic.twitter.com/1kMDICVKWg

— Hammad Azhar (@Hammad_Azhar) May 9, 2023

آئی جی اسلام آباد کا کہنا ہے کہ عمران خان کو القادر ٹرسٹ کیس میں گرفتار کیا گیا ہے، حالات معمول کے مطابق ہیں، اسلام آباد میں دفعہ 144 نافذ العمل ہے خلاف ورزی کی صورت میں کارروائی ہوگی۔

سربراہ عوامی مسلم لیگ شیخ رشید کا کہنا ہے کہ عمران خان کو کل خدشہ تھا کہ انہیں گرفتار کر لیا جائے گا۔

عمران خان کو احاطہ عدالت سے گرفتار کرنے پر اسلام آباد ہائی کورٹ نے اٹارنی جنرل ،سیکرٹری داخلہ اور آئی جی اسلام آباد کو 15 منٹ میں طلب کر لیا۔چیف جسٹس عامر فاروق نے استفسار کیا ہے کہ بتایا جائے کہ عمران خان کو کیوں اور کس مقدمے میں گرفتار کیا گیا ہےاگر 15 منٹ میں پیش نہ ہوئے تو وزیر اعظم کو طلب کیاجائے گا۔

چیف جسٹس نے ریمارکس دیئے کہ جس نے بھی یہ کام کیا ہے غلط کیا ہے،کارروائی کرنا پڑی تو وزیر اعظم اور وزرائے کے خلاف بھی کارروائی کی جائے گی۔اٹارنی جنرل کی آدھے گھنٹے کی استداعا مسترد کرنے ہوئیے عدالت نے 15 منٹ میں پیش ہونے کا حکم دے دیا