عالمی یوم ارض کی مناسبت سے گوگل کا خصوصی ویڈیو ڈوڈل

 رواں  سال زمین کے تحفظ کے عالمی دن پر گوگل نے بھی خصوصی وڈیو ڈوڈل متعارف کروا دیا۔ گوگل نے اس ویڈیو  میں صارفین کو زمین کو محفوظ بنانے کیلئے  زیادہ سے زیادہ درخت لگانے کا پیغام  دیا ہے ۔ اینیمٹڈ ڈوڈل میں سب سے پہلے ایک چھوٹی سی لڑکی کو ایک پودا لگاتے ہوئے دکھایا گیا ہے جو بعد میں اس لڑکی کی عمر کے ساتھ ہی بڑھتا ہوا  ایک لمبے درخت  کی شکل اختیار کرجاتا  ہے۔ اس کے بعد  وہ ایک چھوٹے لڑکے کو  بھی  درخت لگانے کی ترغیب دیتی ہے اور یہ سلسلہ اسی طرح  جاری  رہتا ہے۔

 اس دن کی ابتدا 48 برس قبل 1970 میں امریکی سینیٹر گیرولڈ نیلسن نے کی، جن کا عزم ماحول کو صاف ستھرا رکھنا تھا۔ کیلیفورنیا میں بڑے پیمانے پر تیل پھیل جانے اور اس کے برے اثرات کو اس دن کے منائے جانے کی اہم وجہ تسلیم کیا جاتا ہے۔ گزرتے وقت کے ساتھ ساتھ یہ دن ارتھ ڈے نیٹ ورک کا حصہ 193 ملکوں تک پھیل چکا ہے۔