ٹیپو سلطان کی تلوار ایک کروڑ 40 لاکھ پاؤنڈز میں نیلام

 لندن میں ہونے والی ایک نیلامی میں برصغیر کے مشہور مسلمان حکمران ٹیپو سلطان کی تلوار ایک کروڑ 40 لاکھ پاؤنڈز ( 4ارب 98 کروڑ 70 لاکھ پاکستانی روپے)  میں فروخت ہو گئی ہے۔

رپورٹ کے مطابق نیلامی منعقد کروانے والے ہاؤس بون ہامز  کا کہنا ہے کہ تلوار کی قیمت اندازے کے مقابلے میں سات گنا زیادہ لگی تھی ۔یہ تلوار ٹیپو سلطان کی سب سے اہم تلوار تھی جس سے ان کا خاص تعلق تھا۔

ریاست میسور کے حاکم ٹیپو سلطان کو 18 ویں صدی کے آخر میں ہونے والی جنگوں سے شہرت ملی تھی۔ انہوں نے 1775 اور 1779 کے درمیان کئی مرتبہ مرہٹوں کے خلاف جنگ لڑی۔ بون ہامز اسلامک اینڈ انڈین آرٹ کے ہیڈ اولیور وائٹ کا کہنا ہے کہ ’یہ شاندار تلوار ان ہتھیاروں میں سے سب عظیم ہے جن کا تعلق ٹیپو سلطان سے ہے، ٹیپو سلطان کی اس سے ذاتی وابستگی تھی۔‘یہ تلوار ٹیپو سلطان کے محل کے ذاتی حجرے سے برآمد کی گی تھی۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Oliver White (@islamic_indian)

ٹیپو سلطان کو اپنی سلطنت کے دفاع کرنے پر ’ٹائیگر آف میسور‘ کا لقب دیا گیا تھا۔بون ہامز کا کہنا ہے کہ انہیں راکٹ آرٹلری میں مہارت حاصل تھی اور انہوں نے میسور کو بھارت کا معاشی گڑھ بنایا تھا۔

آکشن ہاؤس کے مطابق ٹیپو سلطان کی موت کے بعد ان کی تلوار کو ان کی بہادری کے عوض برطانوی میجر جنرل ڈیوڈ بیئرڈ کے سامنے پیش کیا گیا تھا