ملک بھر میں 24 گھنٹوں کے دوران کورونا وائرس کے11کیس رپورٹ ،7مریضوں کی حالت تشویش ناک

اسلام آباد: ملک بھر میں 24 گھنٹوں کے دوران کورونا وائرس کے11کیس رپورٹ ہوئے اور7مریضوں کی حالت تشویش ناک ہے۔

منگل کوقومی ادارہ صحت(این آئی ایچ)کے جاری اعدادوشمار کے مطابق ملک بھر میں گزشتہ 24 گھنٹوں کے دوران کورونا وائرس کے ایک ہزار 78ٹیسٹ کیے گئے جن میں سے11افراد کے ٹیسٹ مثبت آئے، اس طرح مثبت کیسز کی شرح 1.02 فیصد رہی اور اس دوران کوئی مریض جاں بحق نہیں ہوا، تاہم7 مریضوں کی حالت تشویشناک ہے۔

کراچی میں گزشتہ24 گھنٹوں کے دوران 45ٹیسٹ کئے گئے جن میں سے11 افراد کے ٹیسٹ مثبت آئے۔