روپے کے مقابلے امریکی ڈالر کی قیمت میں 12 روپے کی کمی

کراچی: اوپن مارکیٹ میں پاکستانی روپے کی قدر مستحکم ہونے کے بعد امریکی ڈالر 12 روپے سستا ہو کر 299 روپے کا ہوگیا۔

اس سے قبل بدھ کو اوپن مارکیٹ میں ڈالر 311 روپے پر بند ہوا جب کہ انٹر بینک میں 285.47 روپے پر بند ہوا۔

دوسری جانب پاکستان فاریکس ایکسچینج ایسوسی ایشن کے چیئرمین ملک بوستان کا کہنا ہے کہ پاکستان کی تاریخ میں پہلی بار انٹربینک میں ڈالر کی قیمت میں 27 روپے کی کمی ہوئی ہے۔

انہوں نے مزید کہا کہ "میں وزیر خزانہ اسحاق ڈار اور اسٹیٹ بینک آف پاکستان (SBP) کے گورنر کو ان کے بروقت فیصلوں پر مبارکباد پیش کرتا ہوں۔"