جہانگیر ترین نے نئی سیاسی جماعت ’استحکام پاکستان پارٹی‘ کا اعلان کردیا

لاہور: جہانگیر ترین نے پریس کانفرنس سے خطاب میں کہا کہ آج ’استحکام پاکستان پارٹی‘ کی بنیاد رکھ رہے ہیں۔

ہم سب کا ایک ہی مقصد ہے کہ ملک کی ترقی میں اپنا حصہ ڈالیں، سیاست میں تاخیر سے آیا لیکن کسی مقصد کیلئے آیا ہوں، آئندہ دنوں میں ایسے شواہد آجائیں گے کہ ہم نے کس قسم کی محنت کی ہے

آنے والے دنوں میں ہماری جماعت میں اور بھی لو شامل ہونگے، بدقسمتی سے پی ٹی آئی کا وہ منشور نہیں تھا جس پر وہ چل پڑی تھی، 9 مئی کے واقعات نے پاکستان کی سیاست کو تبدیل کرکے رکھ دیا ہے۔

پریس کانفرنس سے خطاب میں علیم خان  نے کہا کہ موجودہ صورتحال میں ہر پاکستانی پریشان ہے، تمام درد دل رکھنے والے پاکستانی اس وقت یہاں موجود ہیں، جو سیاست سے لاتعلق ہوکر بیٹھے تھے آج اکٹھے ہوئے ہیں، جہانگیر ترین نے ہم سب کو اکٹھا کرنے میں بڑے پن کا مظاہرہ کیا۔