بورس جانسن پارلیمنٹ کی رکنیت سے مستعفی ہوگئے

لندن: سابق برطانوی وزیراعظم بورس جانسن نے پارلیمنٹ کی رکنیت سے استعفیٰ دے دیا۔

بورس جانسن کے کہا کہ کمیٹی ثابت نہیں کرسکی کہ انہوں نےجان بوجھ کر پارلیمنٹ کوگمراہ کیا، کمیٹی کا ابتدا سے مقصد ہی انہیں قصور وار ٹھہرانا تھا خواہ حقائق کچھ بھی ہوں۔

تفصیلات کے مطابق کمیٹی نے رکن پارلیمنٹ بورس جانسن پر 10 روز سے زائد ایوان میں داخلے کی پابندی لگانے کی سفارش کی تاہم سابق برطانوی وزیراعظم بورس جانسن نے پارلیمنٹ کی رکنیت سے جذباتی انداز سے استعفیٰ دے دیا۔

بورس جانسن نے استعفے پر ردعمل دیتے ہوئے کہا کہ کمیٹی ثابت نہیں کرسکی کہ انہوں نے جان بوجھ کر پارلیمنٹ کو گمراہ کیا، سابق وزیراعظم نے الزام لگایا کہ انہیں سیاست سے باہر کرنے کی سازش کی گئی ہے۔