نوواک جوکووچ نے فرنچ اوپن کے فائنل میں جگہ بنا لی

پیرس: شہرہ آفاق ٹینس سٹار نوواک جوکووچ نے جیت کا سلسلہ جاری رکھتے ہوئے فرنچ اوپن کے فائنل میں جگہ بنا لی، سیمی فائنل میں انہوں نے ہسپانوی حریف کارلوس الکاریز کو شکست دی، سال کے دوسرے گرینڈ سلام فرنچ اوپن کے دلچسپ مقابلے فرانس کے دارالحکومت پیرس میں جاری ہیں۔

مینز سنگلز مقابلوں کے دوسرے سیمی فائنل میں عالمی نمبر 3 سربیا کے نوواک جوکووچ نے عالمی نمبر 1 سپین کے کارلوس الکاریز کو دلچسپ مقابلے کے بعد 3-6 ، 7-5، 1-6 اور 1-6 سے ہرا کر فائنل کے لئے کوالیفائی کر لیا، فرنچ اوپن فائنل میں نوواک جوکووچ کا مقابلہ کل(اتوار کو) عالمی نمبر 4 ناروے کے کیسپر روڈ سے ہو گا، اگر جوکووچ یہ فائنل جیتنے میں کامیاب ہو گئے تو وہ ریکارڈ 23 گرینڈ سلام ٹائٹل جیت جائیں گے۔