جنگ بندی کے 24 گھنٹے ختم، سوڈان دوبارہ جنگ کا میدان بن گیا

عالمی میڈیا رپورٹس کے مطابق تقریباً 8 ہفتے قبل سوڈان میں خانہ جنگی شروع ہونے کے بعد متحارب فریقوں کے درمیان 24 گھنٹے کی جنگ بندی کا معاہدہ کیا گیا تھا جسے خانہ جنگی کے بعد سے اب تک کا پرامن دن قرار دیا گیا تھا۔

اتوار کو جنگ بندی ختم ہونے کے 30 منٹ کے اندر ہی ملک کے کئی حصوں میں فضائی حملے، گولہ باری اور مشین گنوں کی آوازیں سنائی دی گئیں۔ لڑائی کے دوران فوج کی جانب سے فضائی حملوں میں دارالحکومت خرطوم میں 7 شہری مارے گئے ہیں۔

واضح رہے کہ امریکا اور سعودی عرب کی ثالثی میں جنگ بندی طے کی گئی تھی تاکہ ملک بھر میں انسانی امداد کی اشد ضرورت کے محفوظ راستے کو آسان بنایا جا سکے۔