ہندوستان کے تمام مہرے ایک ایک کرکے بے نقاب ہونے لگے

جی این این کے مطابق ہندوستان کی پاکستان مخالف پراپیگنڈہ مہم کے کردارسامنےآگئے،  یورپی یونین ڈس ‏انفولیب کےمرکزی مہرے ایک ایک کرکے منظرعام پرآنا شروع ہوگئے، گلگت بلتستان ‏کے سید حیدرشاہ رضوی کی موت کوایجنسیوں پرڈال کران کے بیٹےمہدی شاہ‏کوورغلایاگیا، نوجوان مہدی شاہ رضوی کوہندوستان کی پراکسیزاستعمال کررہی‏تھیں، مہدی شاہ رضوی نے اعتراف کرلیا۔

مہدی شاہ کا کہنا ہے کہ انہیں پاکستان، ریاست، فوج اور اداروں کے خلاف اکسایا گیا، اٹلی سے امجد مرزا نے رابطہ کر کے پاکستان مخالف مظاہروں کیلئے اکسایا جبکہ امجد ایوب مرزا نے پیسے دیئے اور انڈیا کے ساتھ کھڑے ہونے کا یقین دلایا، پاکستان کے خلاف اٹلی میں پاکستانی سفارتخانے کے باہر احتجاج کا لالچ دیا۔

مہدی شاہ کا کہنا ہے کہ ان کی ویڈیوز میں فوج اور اداروں کے خلاف تمام سکرپٹ لکھ کر دیا گیا، اس کے بعد فوج مخالف میری ویڈیوز سوشل میڈیا پر وائرل کی گئیں، اقوامِ متحدہ میں نمائندگی کا لالچ اور مودی سے ملاقات کا وعدہ بھی کیا گیا۔ مہدی شاہ کا کہنا ہے کہ پاکستان کے خلاف آن لائن کانفرنسوں میں بھی شریک کروایا گیا، مجھے اور دیگر نوجوانوں کو پاکستان اور فوج کے خلاف اکسایا جاتا ہے۔

انہوں نے کہا کہ اقوامِ متحدہ میں ہیومن رائٹس سیشن کے دوران پاک فوج کے خلاف بولنے کا سکرپٹ دیا گیا، فوج اور پاکستان مخالف مظاہروں کیلئے بھرپور مالی معاونت کا یقین دلایا گیا اور کہا گیا کہ فرانس میں کال دو اور پاکستانی سفارتخانے کے باہر پاکستان جھنڈا اور پاسپورٹ کو جلا دو۔ را کیلئے کام کرنے والے شوکت کشمیری، سنگِ سیرنگ حسن اور وجاہت حسن خان سے بھی رابطہ ہوا۔