بھارت میں مہلک وائرس سے ہونیوالی اموات کا نیا ریکارڈ بن گیا

غیر ملکی خبر رساں ادارے کے مطابق  بھارت میں کورونا کا سیلاب امڈآیا۔ ایک روز میں تین لاکھ اسی ہزار کے لگ بھگ ریکارڈ کیسیز رپورٹ ہوئے ہیں  جبکہ 3ہزارچھ سو سے زائد افراد ہلاک بھی ہوئے۔

ملک میں صحت کا نظام تباہ ہوگیا ہے۔ممبئی  میں صرف 51آئی سی یو بیڈ اور19وینٹی لیٹر خالی رہ گئے۔دہلی میں ہر چار منٹ میں ایک شخص کوروناسے مررہاہے۔شمشان گھاٹوں میں مسلسل  مردے جلائے جارہےہیں تو قبرستانوں میں  گورکن دن رات  قبروں کی کھدائی کررہے ہیں۔

کورونا کی بدترین صورتحال سے دردناک کہانیاں سامنے آنے لگیں۔آگرہ میں ایک شخص گھٹنوں  کے بل بیٹھ کرپولیس اہلکار سے آکسیجن سلنڈر کی بھیک مانگنے لگا۔نئی دہلی میں صبح  چار بجے سے آکسیجن    سلنڈربھرانے کے انتظارمیں کھڑی خاتون  کو کورونامیں مبتلا ماں کی موت کی خبرملی۔

بھارتی اشرافیہ کورونا سے بچنے کیلئے دبئی بھاگنے لگی۔جس کے با عث نجی طیاروں کی ڈیمانڈ  بڑھ گئی ہے۔ سکھوں نےضرورت مندوں کو مفت آکسیجن سلنڈرفراہم کرناشروع کردیئے ہیں ۔برطانیہ سےمزید طبی سامان بھارت پہنچ گیا۔