پاکستان کی خاتون کوہ پیما نائلہ کیانی نے نیا ریکارڈ بنا لیا

پاکستان کی خاتون کوہ پیما نائلہ کیانی نے پاکستان کی پانچوں ’آٹھ ہزار‘ چوٹیوں کو سر کر کے ایک نئی تاریخ رقم کر دی ہے۔

نائلہ کیانی یہ کارنامہ انجام دینے والی پہلی پاکستانی خاتون ہیں۔

اس نے آج (جمعرات) 8051 میٹر اونچی براڈ چوٹی جو کہ دنیا کی بارہویں بلند ترین چوٹی ہے سر کر کے یہ کارنامہ سرانجام دیا۔

اس سے قبل پاکستان سے تعلق رکھنے والی خاتون کوہ پیما نائلہ کیانی نے پاکستان میں K2، نانگا پربت، گیشربرم ون اور گیشربرم ٹو کو سر کیا تھا۔

نائلہ نیپال میں ماؤنٹ ایورسٹ، لوٹسے اور انا پورنا بھی سر کر چکی ہیں۔ وہ نانگا پربت، لوتسے، اناپورنا اور گیشربرم کی چوٹی سر کرنے والی پہلی پاکستانی خاتون بھی ہیں، جب کہ وہ 8000 میٹر کی 14 میں سے آٹھ چوٹیوں کو سر کرنے والی پہلی پاکستانی خاتون ہیں۔