وزیر اعظم نے گورنر بلوچستان سے استعفیٰ طلب کر لیا

تفصیلات کے مطابق وزیراعظم کے گورنر بلوچستان کو لکھے گئے خط کے مندرجات سامنے آگئے ، وزیراعظم کی جانب سے خط میں گورنر بلوچستان امان اللہ خان سے مستعفی ہونے کاکہاگیا ہے۔خط میں مزید کہاگیاہے کہ بلوچستان میں نیا گورنر تعینات کرنا چاہتا ہوں،درخواست ہے مستعفی ہو جائیں ۔

 وزیراعظم نے گورنر بلوچستان کی تبدیلی کے فیصلے کو آئندہ ہفتے تک موخر کردیا ہے ۔ وزیراعظم عمران خان ظہور  آغا کو گورنر بلوچستان بنانے کے خواہاں ،بلوچستان عوامی پارٹی نے سینیٹر نصیب اللہ بازئی  کا نام فائنل کرلیا ۔وزیراعظم پیر کو نئے گورنر کیلئے نام  کا حتمی فیصلہ کریں گے۔

یاد رہے کہ  3اکتوبر 2018 کو صدر مملکت عارف علوی نے وزیر اعظم عمران خان کی ایڈوائس پر امان اللہ خان کو گورنر بلوچستان مقرر کیاگیا تھا۔

وفاقی حکومت نے امان اللہ یاسین زئی کو گورنر بلوچستان نامزد کیا تھا۔ جسٹس (ر) امان اللہ یاسین زئی 7 اگست 1954 کو پیدا ہوئے، 27 جنوری 1997 میں بلوچستان ہائیکورٹ میں بطور جج تعینات ہوئے، 14 ستمبر 2005 کو چیف جسٹس بلوچستان ہائیکورٹ بنے اور 5 اگست 2009 تک بطور چیف جسٹس ذمہ داریاں انجام دیں۔