روس میں پیٹرول اسٹیشن پر آگ لگنے سے کم از کم 12 افراد ہلاک ہو گئے

مکھچکالا: روس کے جنوبی شہر داغستان میں ایک پیٹرول اسٹیشن پر ہونے والے دھماکے میں کم از کم 12 افراد ہلاک ہو گئے ہیں۔

میڈیا رپورٹس کے مطابق دھماکا علاقائی دارالحکومت مکھچکالا میں ہوا، جو بحیرہ کیسپین کے ساحل پر واقع ہے، دھماکہ میں 12 افراد ہلاک، 60 افراد زخمی ہوئے جبکہ ڈاکٹروں کے حوالے سے ایک غیر مصدقہ روسی رپورٹ کے مطابق ہلاکتوں کی تعداد 25 تک ہو سکتی ہے۔

مرنے والوں میں تین بچے بھی شامل ہیں، آگ کس وجہ سے لگی تاحال واضح نہیں ہوسکا ہے۔

وزارت کی جانب سے بتایا کہ تقریباً 260 ہنگامی کارکنان کو تعینات کیا گیا ہے، جیسا کہ شدید زخمیوں کو ماسکو منتقل کرنے کے لیے ایک طیارہ بھی موجود ہے۔