نائجیرین فضائیہ کا ہیلی کاپٹر گر کر تباہ

نائیجر: نائجیریا کی شمالی وسطی ریاست نائیجیریا میں فضائیہ کا ہیلی کاپٹر گر کر تباہ ہو گیا جس کے نتیجے میں کم از کم 10 فوجی ہلاک ہو گئے۔

بین الاقوامی میڈیا کے مطابق طیارہ مسلح ڈاکوؤں کی فائرنگ کی زد میں آگیا۔

میڈیا سے بات کرتے ہوئے نائجیریا کی فضائیہ کے ترجمان ایئر کموڈور ایڈورڈ جیبکویٹ نے بتایا کہ چوکوبا گاؤں کے قریب ہیلی کاپٹر گر کر تباہ ہوا۔

فضائیہ کے حکام واقعے کی وجوہات کی تحقیقات کر رہے ہیں، اس بات کی تصدیق نہیں ہوسکی ہے کہ ہیلی کاپٹر میں کتنے افراد سوار تھے۔

عسکری ذرائع کا کہنا ہے کہ حملے میں کم از کم 10 فوجی مارے گئے جب ڈاکوؤں نے ہیلی کاپٹر پر فائرنگ کی۔

اتوار کے حملے کے متاثرین کو نکالنے کے لیے ہیلی کاپٹر بھیجا گیا تھا۔

ڈاکو اور مسلح گروہ نائجیریا کے شمال مغرب میں پھیلے ہوئے ہیں جہاں وہ لوٹ مار اور تاوان کے لیے لوگوں کو اغوا کرتے ہیں۔