تنخواہوں کی عدم ادائیگی پر کوئٹہ میٹروپولیٹن کارپوریشن کے ملازمین کا احتجاج

تنخواہوں کی عدم ادائیگی پر کوئٹہ میٹروپولیٹن کارپوریشن کے ملازمین نے احتجاج، مظاہرین کا کہنا ہے کہ گزشتہ 4 ماہ سے تنخواہوں کی ادائیگی نہیں کی گئی اور مہنگائی کے باعث خودکشی پر مجبور پر گئے ہیں۔

مظاہرین کے میٹروپولیٹن کے آفس میں دھرنا دے دیا ہے اور مین گیٹ کو تالہ لگا دیا ہے۔ احتجاج میں شریک ملازمین کا کہنا تھا کہ اس مہنگائی کے دور میں ہم اور ہمارے بچے خودکشی پر مجبور پر گئے ہیں، سکول، گیس اور بجلی کے بل ہم ادا نہیں کر سکتے۔ 

مظاہرین کا مزید کہنا تھا کہ ہم دو وقت کی روٹی کو ترس گئے ہیں لیکن اعلیٰ حکام اس پر توجہ نہیں دے رہے۔ پورے شہر کی صفائی کی ذمہ داری ہم پر ہے اور ہم اپنا کام اچھے طریقے سے کرتے ہیں، دن رات محنت کرتے ہیں لیکن ہمیں اس کا یہ صلہ دیا جا رہا ہے کہ گزشتہ چاہ ماہ سے ہمیں تنخواہیں نہیں دی جا رہیں۔ 

انہوں نے مزید کہا کہ عید کے موقع پر بھی ہمیں تنخواہیں نہیں دی گئی اور بلوں کی عدم ادائیگی کی وجہ سے ہمارے گھروں سے بجلی اور گیس کے کنکشن منقتع کر دیئے گئے ہیں۔ پہلے بھی احتجاج کے دوران اعلیٰ حکام نے تنخواہوں کی ادائیگی پر ہمیں یقین دہانی کرائی تھی لیکن نتیجہ کچھ نہیں نکلا۔