نیوزی لینڈ کی وزیراعظم کا موسم گرما میں شادی کا ارادہ

غیر ملکی خبر رساں ایجنسی کے مطابق نیوزی لینڈ کی وزیر اعظم جیسنڈا آرڈرن نے رواں برس اپنے منگیتر کلارک گیفولڈ سے گرمیوں میں شادی کا  ارادہ رکھتی  ہیں تاہم ابھی انہوں نے  باقاعدہ کسی تاریخ کا اعلان نہیں کیا  ۔  میڈیا رپورٹس  کے مطابق  جیسنڈا اپنی شادی روایتی دھوم دھام سے کرنے کے بجائے سادگی سے کرنے کا ارادہ رکھتی ہیں کیونکہ جیسنڈا کا ماننا ہے کہ ان کی یہ سب کرنے کی اب عمر نہیں ہے ۔

40 سالہ جیسنڈا 44 سالہ کلارک گیفولڈ کے ساتھ رشتہ ازدواج میں منسلک ہوں گی جو ایک ٹی وی شو کے میزبان ہیں۔

جیسنڈا آرڈرن اور کلارک گیفولڈ کی ملاقات 7سال قبل اُس وقت ہوئی تھی، جب کلارک پارلیمنٹ  میں کسی قانونی تبدیلی کے حوالے سے اپنی شکایت درج کروانے آئے تھے۔ اس اچانک ملاقات  کے بعد    لیبر پارٹی کی اُبھرتی ہوئی سیاست دان جیسنڈا اور کلارک نے  ایک ساتھ رہنے کا فیصلہ کرلیا۔

خیال رہے کہ جیسنڈا نے مئی 2019 میں اپنی منگنی کا اعلان کیا تھا ،  جسنڈا اور آرڈرن نے جوڑے کے پہلے بچے کو جنم دیا اور ہونے والی بیٹی کا نام 'نیو ٹی آروہا' رکھا۔

جیسنڈا آرڈرن،خواتین رہنماؤں میں دوسری ایسی سیاسی رہنما ہیں جنہوں نے وزارت عظمیٰ کے عہدے پر براجمان رہتے ہوئے  بچے کو جنم دیا۔ پاکستان کی سابق وزیراعظم بے نظیر بھٹو  پہلی خاتون رہنما تھیں جنہوں نے وزارت کے  عہدے پر رہتے ہوئے اولاد کو جنم دیا۔ بے نظیر بھٹو نے 1990 میں بڑی بیٹی بختاور بھٹو کو جنم دیا تھا۔