بڑے گھروں میں انسانیت تارتار، گھریلو ملازمہ بچی تشدد سے تڑپ کر ہلاک

خیرپور: یہ واقعہ سندھ کے شہر خیرپور کےعلاقے رانی پورمیں پیر کے گھرپیش آیا، جہاں دس سالہ ملازمہ فاطمہ بدترین تشدد سے پیر کے سامنے تڑپ تڑپ کردم توڑ گئی۔

سوشل میڈیا پروائرل ہونے والی سی سی ٹی وی فوٹیج میں بچی کو فرش پرتڑپتے دیکھا جا سکتا ہے فوٹیج میں بچی کے جسم پر تشدد کے واضح نشانات نظرآرہے ہیں، بچی کے والدین سے زبردستی پیر کے حق میں بیان دلوا کر بچی کو آبائی گاؤں میں پوسٹ مارٹم کے بغیر خاموشی سے سپرد خاک کردیا گیا۔ 

ایک اور گھریلو ملازمہ تشدد کا شکار#GNN #NewsUpdate #BreakingNews #GNN_Updates pic.twitter.com/xSpzHng9AK

— GNN (@gnnhdofficial) August 17, 2023

ایس ایس پی روہیل کا کہنا ہے کہ پیر اسد اللہ شاہ کو گرفتار کرلیا ہے، قبرکشائی کی درخواست دیں گے پھر بچی کا پوسٹ مارٹم کروایا جائے گا۔

ڈی آئی جی سکھر نے اس واقعے کا نوٹس لیتے ہوئے ایس ایچ اورانی پور کو معطل کردیا۔