ایم کیو ایم کے ڈپٹی کنوینئر کنور نوید جمیل کی نمازِ جنازہ ادا کردی گئی

ڈپٹی کنوینئر متحدہ قومی موومنٹ پاکستان (ایم کیو ایم) کنور نوید جمیل کی نمازِ جنازہ ادا کردی گئی۔

سابق وزیر اعلیٰ سندھ مراد علی شاہ، ناصر شاہ،  گورنر سندھ کامران ٹیسوری، مصطفیٰ کمال، انیس قائم خانی سمیت سابق گورنر عمران اسماعیل نے مرحوم کی نماز جنازہ میں شرکت کی۔ کنور نوید جمیل طویل علالت کے بعد کراچی میں انتقال کر گئے تھے۔

کنور نوید 28 جون 2022 کو برین ہیمرج کے شکار ہوئے تھے اور اس کے بعد سے کوما کی حالت میں کراچی کے نجی اسپتال میں زیرعلاج تھے۔

کئی ماہ تک نجی اسپتال میں زیر علاج رہنے کے بعد انہیں 2023 میں کچھ عرصہ کیلئے گھر منتقل کیا گیا تھا۔ لیکن اگست میں ان کی طبیعیت دوبارہ ناساز ہوئی اور انہیں دوبارہ اسپتال منتقل کیا گیا۔

کنور نوید جمیل ایم کیو ایم پاکستان کے ڈپٹی کنونیئر تھے، پی ایس127 سے رکن اسمبلی منتخب ہونے والے رہنما ایم کیو ایم حیدرآباد کے میئر بھی رہ چکے ہیں