کےپی کے میں پی ٹی آئی میری وجہ سے اقتدارمیں آئی تھی ،پرویزخٹک

نوشہرہ میں جلسے سے خطاب کرتے ہوئے  پرویز خٹک نے کہا کہ جب پی ٹی آئی چھوڑی تو کچھ بچوں نے سوشل میڈیا پرمجھے برا بھلا کہنا شروع کر دیا تھا کیونکہ ان کے لیڈر نے ان کو بد تمیز اوربد  تہذیب بنایا ہے ان کو تمیز نہیں سکھائی، لیڈرتو  وہ ہوتا ہے جو کارکنوں کو تمیز و تہذیب و آداب سکھائے۔

پرویز خٹک نے کہا کہ لوگ کہتے  تھے کہ پرویز خٹک اکیلا رہ گیا ہےلیکن  آج وہ لوگ خود اکیلے ہو گئے ہیں، سابق وزیر اعظم غرور کرتا ہے اور غرور اللہ کبھی پسند نہیں کرتا ۔

انہوں نے دعویٰ کیا کہ آئندہ الیکشن میں پی ٹی آئی کا صفایا نہ کیا تو نام بدل دینا، پارٹی کی جتنی خدمت میں نے کی اور کوئی نہیں کر سکتا، 2013 میں پی ٹی آئی میرے لوگوں کی وجہ سے کامیاب ہوئی تھی۔

ان کا کہنا تھا کہ نوجوانوں کو غلط فہمی ہے کہ چیئرمین پی ٹی آئی نیا پاکستان بنائے گا،اس نے لوگوں کو سبز باغ دکھایا لیکن ہم وہ بات کریں گے جس پر پورا اتر سکیں پی ٹی آئی کی طرح دعوے نہیں کریں گے ، اس نے میرے جیسے بندے کو بھی بے وقوف بنایا، مجھے یقین ہے کہ خیبر پختونخوا کے عوام ہمارے ساتھ ہوں گے۔