وزیراعلی پنجاب کا جڑانوالہ سانحے کے متاثرین کو فی خاندان 20 لاکھ روپے امداد دینے کا اعلان

نگران وزیراعلیٰ محسن نقوی  نے مسیحی  برادری کے خاندانوں میں ضروری اشیا کی بھی تقسیم کی۔

نگران وزیراطلاعات پنجاب عامر میر نے کہا کہ سانحہ جڑانوالا کی سازش کے اصل کرداروں کو جلد ہی  بےنقاب کریں گے اور ذمہ داران کو ہر قیمت پرنشان عبرت بنایا جائے گا۔

انہوں نے کہا کہ 94 متاثرہ عیسائی خاندانوں کو اگلے 48 گھنٹے میں 20 لاکھ روپے فی خاندان  امداد دی جائے گی اور نگران وزیراعلیٰ امدادی چیک تقسیم کریں گے۔

محسن نقوی کا کہنا تھاکہ جتنے گرجا گھر جلائے گئے ہیں انہیں حکومت اصلی حالت میں بحال کرائے گی جبکہ 2چرچ مکمل طور پر اپنی اصلی حالت میں آچکے ہیں ،جلائے گئے گھروں کے ہر خاندان کو 20 لاکھ روپے دینے کا اعلان بھی کیا۔