کینیڈا کے جنگلات میں آگ پر قابو پانے کے لیے فوج کو طلب

کینیڈا کے صوبے برٹش کولمبیا کے جنگلات میں تیزی سے پھیلنے والی آگ پر قابو پانے کے لیے حکومت نے فوج کو طلب کر لیا، حکومت نے 35 ہزار افراد کے انخلا کے احکامات جاری کر دیئے ہیں ۔

غیر ملکی خبر رساں ایجنسی کے مطابق برٹش کولمبیا میں ہنگامی حالت کا اعلان کیا گیا ہے اور غیرضروری سفر پر پابندی عائد کر دی ہے۔ ویسٹ کیلوینا کے فائر چیف جیسن بولنڈ نے کہا کہ ان کو گزشتہ 4 دنوں میں آگ پر قابو پانے کے بعد کچھ امید نظر آئی ہے۔

انہوں نے کہا کہ صورتحال میں بہتری آئی ہے اور فائر فائٹرز آگ پر قابو پانے کے لیے پانی کا استعمال کر رہے ہیں جس نے ایک لاکھ 50 ہزار کی آبادی والے شہر کو خطرے میں ڈالا ہواہے۔برٹش کولمبیا کے صوبائی حکام نے آگ سے متاثرہ علاقے میں تباہ ہونے والی عمارتوں کی کل تعداد کا تاحال کوئی تخمینہ نہیں لگایا۔

جنگل کی اس آگ نے مقامی وسائل کو بری طرح متاثر کیا ہے جس کے باعث وفاقی حکومت کی مدد کے ساتھ ساتھ دیگر 13 ممالک کی مدد بھی حاصل کی گئی ہے،اس دوران چار فائر فائٹرز ڈیوٹی کے دوران آگ سے جھلس کر ہلاک ہو گئے ہیں،تقریبا ایک لاکھ 40 ہزار مربع کلومیٹر کا علاقہ جل گیا ہے اور دھوئیں کے بادل امریکاکے مشرقی ساحل تک پھیلے ہوئے ہیں۔سرکاری حکام نے اندازہ لگایا ہے کہ علاقے میں خشک سالی جیسی صورتحال کے سبب لگنے والی آگ موسم خزاں تک جا سکتی