میٹر اتارنے پر تاجروں نےکے الیکٹرک کے عملے کو تشدد کا نشانہ بنا دیا

کراچی کےعلاقے ٹمبر مارکیٹ میں کے  الیکٹرک کے عملے اور تاجر برادری کے درمیان مبینہ طور پر  ہاتھا پائی سامنے آئی ہے ۔

تاجروں  نے  میٹر اتارنے پر عملے کو تشدد کا نشانی بنایا ،تاجر برادری کا کہنا ہے کہ بجلی کے بل اضافے کے ساتھ کسی صورت بھی ادا نہیں کریں گے ،تاجر برادری کا کہنا ہے کہ کے الیکٹرک کا عملہ ہمارے بجلی کے میٹر اتارنےکا اہل نہیں ہے کس قا نون کے تحت ہمارے گھروں کے میٹر اتارنے آئے ہیں؟

تاجر رہنما نے کہا کہ ہم تحریری طور پر بھی کے الیکٹرک کو آگاہ کر چکے ہیں کہ اضافے کے ساتھ کسی صورت بھی بل ادا نہیں کریں گے۔

تاجر رہنما نے اپنے بیان میں کہا کہ کے الیکٹرک کے عملے کے پاس میٹر اتارنےکا  کسی قسم کا کوئی اجازت نامہ نہیں تھا ۔

کراچی ٹمبر مارکیٹ میں تاجر اور کے الیکٹرک کے عملے کے درمیان ہاتھا پائی#GNN #NewsUpdates #BreakingNews #GNN_Updates pic.twitter.com/Y96ndZqScN

— GNN (@gnnhdofficial) August 24, 2023