پشاورسمیت خیبرپختونخواہ کے مختلف اضلاع میں زلزلے کے جھٹکے

پشاور: پشاور سمیت سوات، خیبرپختونخواہ، مالاکنڈ، چکدرہ، مردان، ایبٹ آباد اوراسلام آباد کے مختلف اضلاع میں زلزلے کے شدید جھٹکے محسوس کیے گئے۔ 

تفصیلات کے مطابق زلزلے کا مرکز کوہ ہندوکش افغانستان کا علاقہ تھا جس کی گہرائی 184 کلو میٹر تھی، شہری زلزلے کے خوف میں مبتلا ہو گئے اور کلمہ طیبہ کا ورد کرتے ہوئے گھروں سے باہر نکل آئے۔

ابتدائی اطلاعات کے بعد زلزلے میں کسی جانی یا مالی نقصان کی اطلاعات موصول نہیں ہوئی ہیں، زلزلہ پیما مرکز کے مطابق ریکٹراسکیل پرزلزلے کی شدت5.2 ریکارڈ کی گئی۔