بیلجیئم کے سائیکلسٹ ریمکو ایونپول نے ویلٹا اسپانیا سائیکل ریس کا تیسرا مرحلہ جیت لیا

میڈرڈ: ببلجیئم کے سائیکل سوار ریمکو ایونپول نے ویلٹا اسپانیا سائیکل ریس کا تیسرا مرحلہ بھی جیت لیا۔

ریس میں ریمکو ایونپول کی یہ پہلے سٹیج فتح ہے۔ ڈنمارک کے سائیکلسٹ جوناس ونجیگارڈ نے ریس میں دوسری، سپین کے جان آیوسو نے تیسری ،سلووینیاکے سائیکلسٹ پرائموز روگلک نے چوتھی جبکہ ہسپانوی سائیکلسٹ مارک سولر نے پانچویں پوزیشن حاصل کی۔

ویلٹا اسپانیا سائیکل ریس سپین میں جاری ہے۔ ویلٹا اسپانیا سائیکل ریس کا تیسرا مرحلہ سوریا سے آرینسل اندورا تک 158.5 کلو میٹر پر محیط تھا جس کو23سالہ بیلجیئم کے سائیکل سوارریمکو ایونپول نےعمدہ سائیکلنگ کا مظاہرہ کرتے ہوئے تمام حریف سائیکل سواروں کو پیچھے چھوڑتے ہوئے پہلی پوزیشن حاصل کی ۔

ریمکو ایونپول نے مطلوبہ فاصلہ 4 گھنٹے 15 منٹ اور 39سیکنڈز میں طے کرتے ہوئے پہلی پوزیشن حاصل کی۔ ریس کے تیسرے مرحلے میں ڈنمارک کے سائیکلسٹ جوناس ونجیگارڈ نے ریس میں دوسری ، سپین کے جان آیوسو نے تیسری ،سلووینیاکے سائیکلسٹ پرائموز روگلک نے چوتھی جبکہ ہسپانوی سائیکلسٹ مارک سولر نے پانچویں پوزیشن حاصل کی۔ ویلٹا اسپانیا سائیکل ریس میں کل 21 مراحل ہیں جس میں شرکت کرنے والے سائیکل سوار کل3153.8 کلومیٹر کا فاصلہ طے کریں گے۔ ویلٹا اسپانیا سائیکل ریس17ستمبر کو سپین کے دارالحکومت میڈرڈ میں اختتام پذیر ہوگی۔