دریائے ستلج کے سیلاب میں بتدریج کمی ہو رہی ہے، ترجمان پی ڈی ایم اے

لاہور: ترجمان پراونشل ڈیزاسٹر مینجمنٹ اتھارٹی پنجاب کا کہنا ہے کہ دریائے ستلج کے سیلاب میں بتدریج کمی آرہی ہے۔ اتھارٹی کے ترجمان نے بدھ کو جاری بیان میں کہا کہ گنڈا سنگھ والا، ہیڈ سلیمانکی، ہیڈ اسلام اور میلسی سائفن کے مقامات پر درمیانے درجے کا سیلاب ہے۔

گنڈا سنگھ والا کے مقام پر پانی کا بہائو 89 ہزار 60 کیوسک ہے، ہیڈ سلیمانکی کے مقام پر پانی کی آمد 95 ہزار 196 اور اخراج 81 ہزار 366 کیوسک ہے، جبکہ ہیڈ اسلام کے مقام پر پانی کا بہائو 82 ہزار 916 کیوسک ہے۔ ترجمان کا مزید کہنا تھا کہ پنجاب کے دیگر دریاں میں پانی کا بہا ئو نارمل ہے، سیلاب سے متاثرہ علاقوں میں امدادی سرگرمیاں جاری ہیں۔

بارشوں کے حوالے سے ترجمان نے کہا کہ مون سون بارشیں 2 سے 5 ستمبر تک جاری رہنے کے امکانات ہیں، جبکہ اس دوران تمام بڑے دریاں کے بالائی علاقوں میں موسلا دھار بارشیں متوقع ہیں۔\932