انگلش پریمیئر لیگ میں 2 ستمبر کو مزید سات میچز کھیلے جائیں گے

لندن: انگلش پریمیئر لیگ میں 2 ستمبر کو مزید 7 میچ کھیلے جائیں گے۔انگلش پریمیئر لیگ کے 32 ویں سیزن انگلینڈ میں جاری ہے ۔ ای پی ایل میں 2 ستمبر کو مزید 7 میچ کھیلے جائیں گے جس کا پہلا میچ لوٹن ٹائون اور ویسٹ ہیم یونائیٹڈ کی ٹیموں کے درمیان کینیل ورتھ روڈ، لوٹن میں کھیلا جائے گا۔

دوسرے میچ میں شیفیلڈ یونائیٹڈ اور ایورٹن کی ٹیمیں برامل لین، شیفیلڈ میں آمنے سامنے ہوں گی، تیسرا میچ برینٹ فورڈ اور بورن مائوتھ کے درمیان برینٹ فورڈ میں کھیلا جائے گا، چوتھا میچ برنلے اور ٹوٹنہم ہاٹ پور کی ٹیموں کے درمیان ٹرف مور، برنلے میں کھیلا جائے گا۔

،پانچویں میچ میں چیلسی اور ناٹنگھم فاریسٹ کی ٹیمیں سٹامفورڈ برج، لندن کے مقام پر پنجہ آزمائی کریں گی اور چھٹا میچ دفاعی چیمپئن مانچسٹر سٹی اور فلہم کی ٹیموں کے اتحاد سٹیڈیم، مانچسٹر میں کھیلا جائے گاجبکہ ساتویں میچ میں برائٹن اینڈ ہوو البیون اور نیو کیسل یونائیٹڈ کی ٹیمیں برائٹن کے مقام پر آمنے سامنے ہوں گی ۔یہ مجموعی طور پر ٹاپ فلائٹ انگلش فٹ بال کا 125واں ایڈیشن ہے جس کے شیڈول کا اعلان 15 جون 2023 کو کیا گیا تھا۔ مانچسٹر سٹی کی ٹیم ای پی ایل میں اپنے اعزاز کا دفاع کرے گی۔