ملک سول نافرمانی کی طرف بڑھ رہا ہے،شیخ رشید

عوامی مسلم لیگ کے سربراہ اور سابق وزیر داخلہ شیخ رشید نے کہا ہے کہ جسٹس میاں گل حسن اورنگزیب نے 2023 کو  آئین اور عدلیہ پر عملدرآمد کے لحاظ سے تاریک ترین سال قرار دے دیا ہے، کہہ کر انہوں نے سمندر کو کوزے میں بند کر دیا ہے

سماجی رابطے کی ویب سائٹ ایکس (ٹویٹر) پر انہوں نے کہا کہ نگران وزیر خزانہ بھی بول پڑی ہیں کہ معاشی اور اقتصادی مسئلہ سنگین ہوتا جارہا ہے اور 24 کروڑ لوگ آئی ایم ایف کے رحم و کرم پر ہیں۔ 13جماعتیں جو ملک کو معاشی مسائل کے سمندر میں ڈبو کر گئی ہیں وہ بھی اب مگرمچھ کے آنسو رو کر احتجاج کا حصہ بننے کی کوشش کر رہی ہیں۔

جسٹس میاں گل حسن اورنگزیب نے کہا ہے کہ2023 آئین اور عدلیہ پر عملدرآمد کے لحاظ سے تاریک ترین سال ہے یہ کہہ کر انہوں نے سمندر کو کوزے میں بند کر دیا ہے نگران وزیر خزانہ بھی بول پڑی ہیں کہ معاشی اور اقتصادی مسئلہ سنگین ہوتا جارہا ہے اور 24 کروڑ لوگIMF کے رحم و کرم پر ہیں13جماعتیں جو…

— Sheikh Rashid Ahmed (@ShkhRasheed) August 31, 2023

انہوں نے کہا کہ جب تک سیاسی استحکام نہیں ہوگا اس وقت تک معاشی اور اقتصادی استحکام نہیں آ سکتا۔ 85 روپے پر چینی ایکسپورٹ کرنے کی اجازت دی اور 220 روپے پر چینی امپورٹ کرنے جا رہے ہیں۔ 75سال سےچینی مافیہ اور آٹا مافیہ نے ہمیشہ غریب کو لوٹا، غریب کا خون چوس کر اپنے مفادات حاصل کیے۔ ملک سول نافرمانی کی طرف بڑھ رہا ہے، الیکشن کب ہونگے ابھی تک کوئی نہیں جانتا۔