سانحہ جڑانوالہ مسیحی افرادکی ذاتی رنجش کی وجہ سے ہوا،پولیس حکام

سانحہ جڑانوالہ : اس سانحے میں مسلمانوں سمیت مسیحی برادری کے کئی افراد کو نشانہ بنا یا گیا مقدمات درج کیے گئے اور کچھ افراد کو پابند سلاسل بھی کیا گیا ۔

ملزم پرویز (کوڈو) نے راجہ نامی شخص کو پھنسانے کے لیے قرآن پاک کی بے حرمتی کی تھی ، پولیس حکام کا کہنا ہے کہ پرویز کوڈو نے راجہ اور راکی کی تصاویر کےسا تھ تحریر لکھ کر ان کے گھر کے سامنے رکھی تھی تاکہ ان کو مبینہ طور پر پھنسایا جا سکے۔

جڑانوالہ سانحہ اصل میں کیا تھا ؟ 

جڑانوالہ ایک چھوٹا شہرنما قصبہ  ہے جہاں مسیحی آبادی کی تعداد مجموعی آبادی کے پانچ فیصد کے لگ بھگ ہے جن میں سے زیادہ تر لوگ عیسی نگری میں ہی آباد ہیں۔

میڈیا ذرائع کے مطابق منگل اور بدھ کی درمیانی شب کرسچین کالونی میں عامر نامی شخص  نے مبینہ طور پر چند توہین آمیز پمفلٹ لکھے اور مبینہ طور پر قران پاک کے چند اوراق کی بھی بےحرمتی کی،فجر کی نماز کے بعد ایک عورت نے ان توہین آمیز کاغذات کو دیکھا اور سب کو اس کے بارے میں بتایا جیسے ہی اس واقعے کی اطلاع لوگوں تک پہنچی تو چند افراد  پر مشتعل گروہ کی بڑی تعداد علاقے میں جمع ہو گئی اور توڑ پھوڑ شروع کر دی۔

سانحہ جڑانوالہ کیس میں اہم پیشرفت،#GNN #NewsUpdates #GNN_Updates #BreakingNews pic.twitter.com/4ep7IZuJ1F

— GNN (@gnnhdofficial) September 3, 2023

 اس واقعے کی اطلاع ملتے ہی پولیس نے کرسچین کالونی کے رہائشیوں  کو یہ علاقہ خالی کرنے کا کہا ۔ میڈیا صحافیوں کے  مطابق بھاری نفری تعینات ہونے کے باجود پولیس مظاہرین کو کنٹرول کرنے میں ناکام رہی ۔

میڈیا رپورٹس کے مطابق فیصل آباد کی ضلعی انتظامیہ کے لگائے گئے تخمینے سے ظاہر ہوتا ہے کہ ہجوم کے ہاتھوں توڑ پھوڑ کے نتیجے میں کم از کم 22 گرجا گھروں کو 2 کروڑ 91 لاکھ روپے کا نقصان پہنچا جبکہ 91 رہائش گاہوں کو 3 کروڑ 85 لاکھ روپے کا نقصان پہنچا۔