پاکستان نے مالدیپ کو شکست دے کر ساف انڈر 16 فٹبال چیمپئن شپ کے سیمی فائنل میں جگہ بنا لی

پاکستان نے مالدیپ کو 0-3 گولز سے شکست دے کر ساف انڈر 16 فٹبال چیمپئن شپ کے سیمی فائنل میں جگہ بنا لی 

گزشتہ روز تھمپو کے چنگلیمتھن اسٹیڈیم میں کھیلے گئے میچ میں قومی انڈر 16 ٹیم نے شاندار کھیل پیش کیا اور 14 ویں منٹ میں سبحان کریم کے گول کے ذریعے برتری حاصل کر لی ،

عبدالصمد نے 39 ویں منٹ میں پاکستان کی جانب سے دوسرا گول کر دیا جبکہ تیسرا گول مالدیپ کے گول کیپر سے اون گول کی بنیاد پر ہوا ، پاکستان کی یہ ٹورنامنٹ میں مسلسل دوسری فتح ہے

پہلے میچ میں پاکستان نے میزبان ٹیم بھوٹان کے خلاف 1-2 سے کامیابی حاصل کی تھی ، واضح رہے کہ 8 ستمبر کو سیمی فائنل میں پاکستان کا مقابلہ گروپ اے کی رنر اپ ٹیم سے ہو گا