ملازمین کا ائیر پورٹس کی نجکاری کے خلاف احتجاج دوسرے روز بھی جاری

اسلام آباد : انٹر نیشنل ائیر پورٹ اسلام آباد پر ملازمین نے ادارے کی نجکاری اور تنخواہوں میں اضافے کا مطالبہ کرتے ہوئے احتجاج کیا ۔

احتجاج سول ایوی ایشن کے ملازمین نے ریکارڈ کرایا ، سوک ایوی ایشن ملازمین کا کہنا تھا کہ کسی صورت بھی ائیر پورٹس کو پرائیویٹ نہیں ہونے دیں گے ، ملازمین کا کہنا تھا کہ آئے روز اشیا ئے خوردونوش میں اضافہ ہورہا ہے تنخواہوں میں بھی اضافہ کیا جائے ۔

احتجاج دوسرے روز مین داخل ہو گیا لیکن ملازمین کی ابھی تک کسی سرکاری سطح پر کوئی سنوائی نہیں ہوئی ، مظاہرین نے کہا کہ ائیر پورٹس ہمارے قیمتی اثاثے ہیں انہیں کسی صورت بھی نجکاری کی اجازت نہیں دی جائے گی ۔