ایشیا کپ 2023 کے سپر فور مرحلے میں پاکستانی بولرز کی شاندار کارکردگی

ایشیا کپ 2023 کے سپر فو ر مرحلے کے پہلے میچ میں پاکستانی بولرز کی شاندار کارکردگی کی بدولت بنگلادیش کی پوری ٹیم  193 رنز پر ڈھیر ہوگئی۔

لاہورمیں کھیلے جارہے میچ میں بنگلادیشی ٹیم 38.4 اوورز میں 193 رنزبنا کر آؤٹ ہوگئی، مشفیق الرحیم 64 اور کپتان شکیب الحسن نے 53 رنز کی اننگز کھیلی۔

 فاسٹ بولر حارث رؤف نے 19رنزدے کر 4 وکٹیں حاصل کیں جبکہ نسیم شاہ نے 3، شاہین شاہ آفریدی،شاداب اور فہیم اشرف نے ایک ایک وکٹ حاصل کی

Pakistan bowlers bring the heat as Bangladesh are bowled out for 193 in 38.4 overs ??

The boys will be back shortly with the chase ?#PAKvBAN | #AsiaCup2023 pic.twitter.com/uiKNFMFiOj

— Pakistan Cricket (@TheRealPCB) September 6, 2023

میچ کے دوسرے اوور میں  بنگلادیشی اوپنرز مہدی حسن میراز بغیر کوئی رنز کیے نسیم شاہ کی گیند پر فخر زمان کو کیچ دے بیٹھے۔ بنگلادیش کو دوسرا نقصان  پانچویں اوور کی چوتھی گیند پر لٹن داس کی  صورت میں اٹھانا پڑا جب بنگلادیشی بیٹر لٹن داس  16 رنز بنا کر شاہین شاہ آفریدی کا شکار ہوئے جس کے بعد  بنگلادیش کی اگلی دو وکٹ فاسٹ بولر  حارث رؤف کے حصے میں آئیں۔

فاسٹ بولر حارث رؤف نے اوپنر محمد نعیم کو 20 اور  توحید ہردوئے کو صرف 2 رنز پر پویلین کی راہ دکھائی۔ بنگلادیش کو پانچواں نقصان کپتان شکیب الحسن کی صورت میں اٹھانا پڑا، وہ 53 رنز بناکر فہیم اشرف کا شکار بنے۔

پاکستان کےخلاف بنگلادیشں کی چھٹی وکٹ 174 رنز پرگری جب شمیم حسین 16 رنزپر افتخار احمد کی گیند پرآؤٹ ہوئے جبکہ سیٹ بیٹر مشفیق الرحیم 64 رنز بناکر حارث رؤف کی گیند پر وکٹ دے بیٹھے اور پھر نئے آنے والے بیٹر تسکین احمد بھی صفر پر حارث رؤف کی گیند پر آؤٹ ہوئے۔

 بنگلادیش کے خلاف میچ کے لیے پاکستان کرکٹ ٹیم میں ایک تبدیلی  کرتے ہوئے فاسٹ بولنگ آل راؤنڈر فہیم اشرف نے اسپنر محمد نواز کی جگہ لے لی ہے۔